تجربتي لمنتجات موهير للشعر

موهير هيه شركه امريكية متخصصه لمنتجات الشعر 

تعرفت ع منتجاتهم عن طريق تجربة احد زميلاتي شفت شعرها صحي بغير العادة و طولة زاد بشكل ملحوض 

ف جربته و كثير كثير كثير حبيته

فيه عندهم كيراتين موهير لعلاج الشعر انصح فيه عن تجربة  مع انه امريكي و الكل يمدح الكيراتين البرازيلي بس هاذا احسن ع ضمانتي  و كمان عندهم مجموعه علاج الشعر بعد العلاج بالكيراتين و يمكن تستخدمه للي شعرها تالف و هي مكونة من 5 منتجات 

الشامبو

البلسم و ينحط بعد ما تغسلي شعرك بالشامبو و هوه مبلول تحطية خمس دقائق و بعدها تغسلية 

عندك بلسم ثاني و اللي تحطيه بعد ما تخلصي من الدش و يكوني نشفتي شعرك بالمنشفه

السرم ينحط فقط علي اطراف الشعر 

واخر شي ماسك الشعر و اللي اكثر منتج احبة من بين الخمسه و طريقته بللي شعرك لان المنتج جدا مركز كمية بسيطه منه تكفي الشعر كامل تاخذي كمية بسيطه و توزعيها علي شعرك عادة الماسك ما ينحط ع الجذور بس هالماسك انا احطه ع جذور الشعر بكل ثقه لان بعد ما اغسلة اكون متاكده ما راح يزيتلي فروة راسي و عطيني راحه و نعومه 

بعد ما توزعي الماسك ع الشعر 

جيبي كيس الشور او فوطه مبلوله بماء ساخن او تعتمدي علي الحراره الجو و تتركيه لمدة ساعه قبل لا تغسليه 

هاذي المجموعه ساعدتني كثير بان يرجع شعري لحالته الطبيعيه بعد الدامج اللي صار فيه و عززلي علاج البروتين اللي سويته بشعري انصح فيه لكل بنت شعرها تعبان و جاف 

المجموعه الثانية 

هية مجموعة تطويل الشعر للي شعرهم بطيئ ما يطول بسرعه 

مكونه من شامبو و بلسم  وتونك  

 طريقته التونك ينحط علي فروه الراس علي جذور الشعر بس و يدلك الراس بعدها 

التونيك تركيبته مثل الماي بس يحتاج اللي تستخدمه تنتبه له لانه مركز وحار قوي ع البشره بس حلو لفروه الراس و رائحته بالنعناع جدا حلوه 

حبيت افيدكم 

بمنتجتهم 

لان  شركه منتجاتها جدا تستاهل بس مو معروفة بشكل واسع عندنا بالخليج 

بس الحين بدت تنتشر شوي شوي 

اتمني الموضوع اعجبكم 

شاركوني بارأكم 

غير حياتك

غير حياتك" اكيد انا مو بس الوحيدة اللي صار لها 4 سنوات و اسبوعيا تقريبا اعمل جوجل كيف تغير حياتك و اقراء مقالات طويله و ممله و مقالات من ناس تنصح و تكتب مقالات كيف تغير حياتك و هم الحين لسا يفكرو يغيرو حياتهم < مثلي > المهم 

انا اكتب هالمقاله لي و ل متابعيني في المستقبل وانا ما اكتبها لان حياتي كاملة و الكل يشوفني قدوه له....
الكل يحس و حتيلو بعد الانجازات الكبيره اللي حققها في الحياة انه ما عمل شي و انه فيه كثير اشياء كثيره يطمح يوصل لها و هاذي هية طبعة الانسان بس كيف الواحد يغير من حياتة و يكون راضي من نفسه دون ما يحس انه عاجز او يحس انه فيه شي ناقص في حياته وانه لسا ما حقق شي في حياته
:من منظوري ان السبب الحقيقي  لفشلي و فشل كثيرين من الناس و دائما نحصل صعوبة في العيش حياه سعيده و مليئه بالانجازات
مش لانا ما نقدر او صعب نوصل للي نريده ولا انه الحياه صعبة و الناس اللي حولنا مش محل ثقة او لان نحنه ما عندنا المقومات اللي تخلينا نوصل لطمحنا

السبب الحقيقي للفشل هوه نحنه  

معتقداتنا و افكارنا بالعجز ودائما ما نحصل مليون عذر للفشل لان الحياه صعبة وانا مش مثل فلان و حياتي ووضعي ما يسمحلي او انا مش ذكي و فلان عندة عقل و الخ الخ الخ

هاذي عبارات كثير نحنه نستخدمها
و نحنه قدرنا نفسنا و حطينها في مستوي الفشل و العجز لاسباب تافهه
و الحل لانك توصل للي تريده
بان تقول لنفسك انك راح تحاول بكل اجتهاد للوصول ل طموحك
و تتوكل علي الله
و تعرف ان المصاعب الي تواجهها ما هيه الا تحديات
و كل ما تسكرت الابواب في وجهك
يعني انته قريب من هدفك
و بينك و بين النجاح شعره

و هاذا جوابي دائما لنفسي كل ما جسيت باحباط و قلت لنفسي انا ما اقدر
احاول اذكر نفسي بالمستحيلات اللي حققتهم

النقطه الثانيه و المهمة للنجاه
هوه انك تستمتع ل كل لحظة من حياتك
تستمتع ب نجاحك و فشلك
و تتعلم من الاثنين
لا تخلو رحلة الانجاز مهمه
خلوها جزاء من الحياه
و استمتع بكل لحضاتها
و اتعلم

اتمني الموضوع اعجبكم
شاركوني بأرأكم و افكاركم بالموضوع

احصلي علي اجمل خدمات الصالونات باقل الاسعار / نصائح توفير

بما اني لي خبرة بعمل الصالونات ف حبيت افيدكم ببض النصائح ل تحصلي علي احلي خدمه بأقل الاسعار 

بالبدايه حبيت انبه ان البنات حلوين مو محتاجين للصالونات 

بس من باب التدليع ممكن 

 فقط بعض الخدمات من الممكن ان تحصلها البنت من الصالون
وليس كل ما يعرض في الصالون من خدمات تصلح لك


اولا من اكبر الغلطات ازالة شعر الوجة بالخيط  ممنوع ممنوع و خصوصا للي في وجهم حبوب لان يزيد نسبت الحبوب بالوجه و
يتعب البشره المكان الوحيد اللي لازم لازم لازم تشيليه هو الشنب

ثاني شي صبغ الشعر اشتري صبغة الشعر المطلوبة من السبرماركت او من محلات بيع ادوات التجميل و الافضل انك تاخذيها من محلات تجهيز الصالونات لان عندهم افضل الصبغات وتاخذيها للصالون منها تتاكدي من حودة الصبغه وانها اللون المطلوب و منها توفري نص القيمه تقريبا

ثالثا بالنسبة للواكس في اجهزه متوفره فالسوق و كمان ممكن تروحي محلات بيع ادوات التجميل او محلات تجهيز الصالونات و تاخذي الواكس و جهاز التسخين و الورق و حطيتلكم صوره لافضل الاغراض في السوق
و راح اشرح عن الحلاوة اكثر في موضوع مستقل




رابعا الفيشل اختصار للفيشل العناية اليوميه للبشره في البيت لان الفيشل بدون عناية ما يجيب نتيحه هوه مجرد تنظيف و مساج للوجه  sp15 و لوحده ما راح يحل مشكلة بشرتك ولازم يكون معك غسول يومي و كريم النهار واقي من الشمس اللي فيه
وكريم اليل اللي يحمي البشره من الجفاف و و يشتغل في البشره و هيه مرتاحه و يرد حيويتها
و الحين انتشر جهاز الفيشل استخدمته و حبيته
و كمان راح اشرح اكثر عن الفيشل في موظوع مستقل
و هاذ صورة جهاز الفيشل اللي يعطيك نتيجه افظل من الصالونات ب ظمانه مني


اتمني الموضوع اعجبكم
شاركوني بارأكم و تجاربكم

ليش بدات مدونتي

بسم الله الرحمان الرحيم 

انا ومن زمان كنت اتمني ان انشئ مدونة و استمر بالكتابة فيها و يكون لي متابعين اشارك فيها افكاري و اناقش فيها مع متابعيني   بعض الامور و السبب الحقيقي هوه اني حبيت انشر بعض الطاقة الايجابيه للناس و استمد قوة و طاقة ايحابيه من متابعيني وانا من زمان كنت افتح مدونه و اسكرها بسبب السلبيات و الجو السلبي اللي نحنه عايشينة و اللي عامل مثل النقطه السوداء في الثوب الابيض ولاكن بعد ظهور عدد من البلوجرز و الفلوجرز العربيات و الخليحيات و بعد ما شفتهم حولو الشحنات السالبه الي موجبة و صارو قدوه لكثير من متابعينهم حبيت اكون واحده من هالمجموعه الخيره اللي نشرت الايجابية و السعاده

و باذن الله راح انشر مدوناتي اليوميه من افكار و تجارب عسها تكون الهام لي و لغيري 

واتمني تشجيع و اراء متابعيني لي 

ودمتم في حفظ الرحمن